.
.
.
أتمنى أن يكتفي الأعزاء بهذه الإستغاثة ... مع الحب للجل من الكل .
[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أبطيت ما غنيت يا حادي العيس = وأستوحشت عقبك عيون الحواري
من للحزن عقبك ومن لـ الأحاسيس = ومن هو يحرّك للقصيد الطواري
إطلالتك مثل الفرج للمحابيس = وإقفايتك حزن السفر والمساري
والبارحه بين التعب والهواجيس = ليتك تهجيت العتب بإنتظاري
ليلٍ خلي من الفرح والفوانيس = وقلبٍ على صكّات الأيام ضاري
ورجمٍ يطولك فيه صوت الوساويس = وعقلٍ تعبت أعرّضه كل قاري
يرقيه ويوّصي تعوّذ من أبليس = وأشوف ما من للسعاده محاري
يا صاحبي واللي خلقنا مفاليس = ما يفرحون بطيحتي وإنكساري
قل للقلوب الخاتله يبطي الهيس = ما طال لذّة وقفتي وإعتذاري
وقل للسماء ترقب طلوع القرانيس = وبشّر هل القبلة بذات الصواري
بكرة يجنّك للمنادي مراويس = وتشوف من يبقى من العز عاري
ولاّ الهموم لدبرة الله والعيس = يبقى لها صوتٍ يدور بمداري [/poem]
.
.
.
[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يارب أنا عبدك اللي كل ما ضاقت = دنياي وجّهت لك وجهي ويمّمته
يارب أنا الجاهل اللي رجلي إنساقت = ولا ظل وادي ظلالٍ ما بعد همته
يارب أنا المخطي اللي كل ما فاقت = روحي تجوّدت في ذنبي وسلمته
عفوك وناديت يا غفّار وإن باقت = فلا تذرني لـ / ليلٍ كل ما نمته
قامت تجافى جنوبي كل ما واقت = إذنوبي وخفت من سخطك وقدّمته
على رجاي .. وشقاي إن كان بي حاقت = أعمالي ولا معي لك عذر ولّمته
يارب كمّلت سبع أيام ما لاقت = نفس آدمي مثل شي الروح كاتمته
يارب سبعٍ عجافٍ ما بعد راقت = منهن ظلوعي تقول بشمع ختّمته
حاولت في كل فرصه لكن إنعاقت = وضربت صعب الأمور ولا تغانمته
وأيّست من كل دقّة صدر وإن تاقت = للعون .. نفع البشر شفته وحرّمته
زابنك يا من عليك أزبن إليا ضاقت = ناصيك وجهي على قبلتك يممّته
يارب نفسي تلوج بهم وإشتاقت = عفوك و همي وذنبي بيدك أسلمته [/poem]
أخيراً
عذراً
لـ عبدالله الملحم .