[محمد السالم]

المشاركة الأصلية كتبت بواسطة عبدالله العويمر

[poem="font="simplified arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]




واهز الجذع من جوعي ..أحسب ان الثمر بيطيح=واطيح ، ولالقيت الاّ ظنوني والثمر بي جوع !
تمر الريح ويطيح الورق..فيني الأماني ريح=تطيح آمال ..واصوات الحفيف تزيد فيني روع
واشوف الساقي اللي كل ماجيته اشوف الشيح=واشوف الشيح اصفر من جفاف الساقي المتبوع!
واحس بداخلي ظلمه ، ويأس ٍ مله التلميح=واحس الهمهمه فيني صهيل ، وفارسي مصروع
بحربة صاحبي مات ، وهقاوي هالسنين تصيح=جماهير الألم حول الهقاوي والقتيل جمووووع
ومابيني وبيني لايم الصاحب كثر ماابيح=رفيقي عند من يلمح حزن في ناظر ٍ موجوع
واشوف العمر شيخ ٍ إنكسر مافاده التلويح=هزيم الصدر به ضج الحنايا ، والندم مسموع
أهز الجذع ، ويطير الوفا من صاحبي ، وازيح=أكاليل الغلا والقى الشماته والعتب مجموع
رعاك الله ياجوعي كشفت اللي قبل مايطيح=سقيته واحسبه يغني ويسمن لالفاني جوع! [/poem]

ورب النون والقلم أن هنا شعر مختلف وأكبر من تعاليقنا عليه مجتمعة