[فيصل الحلبوص]

المشاركة الأصلية كتبت بواسطة علي الزهراني

للجميع كل الحب والاعتذار ..
[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كذا جيتك مدجّجّ بالألم والخوف والحسرة=قبل ما أقدم أوراق الحقيقة طاحت .. أسراري
معي أمسي، معي يومي، معي أحلامي لبكرة !=معي جرحك من البارح عزفني وقطّع أوتاري
أهيم بوسط (ردهات المسا) وأنا أركل النظرة=وتدحرج رياح الشوق و آسوق المدى ساري !
أسولف للمباني عن نوافذ خانة الفطرة=تعاكس خطوتي ، حزني ، تراود عفة أشعاري
ضجيج الصمت يلجمني : يعاتب، يزعل، ويشره !=يلبّسني كفن بعدك ويدفن مع أوزاري
يوقفني الأمل يشكي !! يقول : اليآس في عذره !=يوقفني الفرح يبكي !! يقول : الحزن هو ثاري
وانا ابلع هالوجوم بغيبتك واتغصب العبرة=وأنقع شوفتك ليله واكمد باللقا ناري !
وشت بي فرحة البارح وصاحت داخلي زفره !=سمع شارع لقانا موعدي وأغتال مشواري
رميت الصبح لعيونك وسلّم هالمسا أمره=وبعت النوم من عجزي أدور للسهر شاري
طرق برد الشتا عمري وشباكي فتح صدره=وانا ما اعرف مواجيب الدفا وآجمل أعذاري
سكنّي البرد واستوطن وعاش بداخلي فتره =وانا المنفي على أحدود الشتا آصارع أقداري
غديت أتحطب الذكرى سمعتك للدفا نبره=وحس البرد بوجودك وسافر منكسر عاري !
أحبك قالها عاشق شعلها وانطفى عمره=أحبك والعذر أني أحبك وأقبل أعذاري
أنا ما قلت أحبك موت ! أنا ميّت على فكره=أو أني كنت أنا عايش على حبك ولا داري [/poem]

نص يعانقنا في هذا الصباح



أسولف للمباني عن نوافذ خانة الفطرة=تعاكس خطوتي ، حزني ، تراود عفة أشعاري



وأشعارك عفيفه يا علي





أنا ما قلت أحبك موت ! أنا ميّت على فكره=أو أني كنت أنا عايش على حبك ولا داري




أما هذا البيت قصيده لحاله يا أخوي علي




نص يستحق التصفيق



صح لسانك



لك ودي وتقديري