[محمد بن خليفه]

http://www.clayderman.co.uk/RealAudio/Nostalgy.ram

[POEM="font="Traditional Arabic,6,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ليت الزمن عاكس التاريخ والبوصلة =تلقى حدود المسافه تعانق الإتجاه

الأرض حد المكان اللي تبي توصله=الجهد في أوّله والحظ آخر رجاه

ويهك تقاسيم يعزفها الزمن مهزله=وانفاسك المتعبه شاطئ إلى اللانجاه!

أهاتك الموجعه إلى البشر مرسَله=وانسانك اللي يدور عن الهٍ هجاه !

متعب إلى اللانهاية والقدر حوقله = لا حول لا قوه الا وكل صوتٍ شجاه !

لو يسألونك تجرّد قول ما لي صله = أنا نزوح وأدور عن ملاجئ نجاه!

أنا تشبّعت من فكرة هدف أوصله = أو حتى فكرة هدف أبداه من منتهاه

هذا الشعر حر لكن القلم كبله = قضية العصر أصغر من مدن محتواه

أكبر قضاياه ماتت من قبل مرسِله = يحرره من عقد فكر الحفاة الرعاه

وديّ بفكره بكر ودّي بشي أجهله = أوصله وان كان تتعذر معاه الحياه

براءتي فطرتي قادتني للأسئله = والا أنا مؤمن بربي و ما لي سواه !

يعطوني عقل وأنا أضمن لهم أعقله = وأعطي لنفسي مساحة تكتشف محتواه!



[/POEM]