[مسفر الدوسري]

لأعضاء أبعاد فقط:

قليله لو أقول أني
لكم ولهان
قليله لو أقول إني
بدون عيونكم "مظلم"
وبدون قلوبكم..... بردان!!!!

	وش ينقر هالطير بقلبي ؟! وش يبي مني ؟! لا باقي في شوقي زاد لا باقي في ليلي رقاد لا باقي فـ الجفن سهاد لا باقي في صمتي طاعه.. أو باقي في صوتي عناد ! هالطير اللي فزّز قلبي تالي الليل لاعاد غْناه.. ْولاعاد . واقف فوق غصوني الصفرا يقرا بعمري ماضي عشب يتخيل موسم أعياد يشعل برق الذكرى بعيني.. وعيوني مافيها ْزناد! غنّى.. وغنّى.. وكلما غنّى له عيّا قلبي ينقاد مالومه.. لو زان المغنى.. في صدره واهتاض وغنى قلبه حرّ.. وريشه دافي.. وريشي على البرد اعتاد ! رمى لي في حضني صوره وجديله سودا بمنديل قال لي: "هذي هداياها.. وبيديني منها ميعاد !" ياطير الشوق.. شتبي مني؟! قللي بس شتبي مني؟! ماعاد بقى بسماي نجمه ولا أنا مثل أوّل صوتك يغريني .. ويخلّي.. جمر المشاعر وقّاد ياطير الشوق خلّني بْحالي وشف لك غير صحراي.. بْلاد منْتب لاقي بقلبي غيمه ولا بتلقى جْروح جداد ! ياطير الشوق لاتذكّرني.. بعيون ليلى وهوى ليلى اللي ساد بقلبي..وباد مهما تفتح جرح الذكرى لجروحك لقيت ضْماد !! ياطير الشوق إرجع خايب لاتشعل شمعه للغايب ماكلّ مارفّت جنحانك هقيت إن مخلابك.. صاد!