بسم الله الرحمن الرحيم
أسعد الله أوقاتكم بالفرح والمسرات
أبيات للتواصل مع أحبتنا .. أبعاد أدبيه
فأقبلوها كرما ً وسخاء ً .. أصحاب المعالي
[POEM="font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]إذا هالشعر وقلوب المشاعر مالها منزال = تبي من هالجروح اللي وسط صدري تبارحني .؟
تكيل أليا أشتهت وأن ما اشتهت كالت بلا مكيال = وترجح كفتي في عين منهي ما ترجّحنـي
أجيها لو معاليقي على النيّه بطيبة فال = وأصافحها عشان أكبر طموحاتي .. تصافحني
وأولعها .. وتالع في يديني شرهة الرجّال = وتاكل في خفوقي حب لكن ما تصارحني
كذا مبسوط ياقلب العنا من نكسة الأحوال = ترى ماهو ضروري كل ما تسلى تجرررحّني
صحيح أني كسير ولا معي سُلطه وجاه ومال = لكن يا كثر ناسا ً دون ضلعي باغيه شحني
أنا في داخلي طفلا ً شكى من كثرة الإهمال = لعب فيه الضما وأصبح يغني لي على لحني
تخيّل طفل رب لأسرة ٍ ٍ فيها ثلاث أطفال = وزوجه وبنته اللي فوق متنه راسها محني
ولاعنده وظيفه تسد حاله لا طواه الحال = عساني فدوته لامن نوى يقلط على صحني
تسالمنا ومد أليا اليمين بهيبته ثم قال = ياعمّي كانها آخر حاجة ٍ ٍ فارق وريّحني
عرفت أن الزمن ما يلوي ذراعه عريب الخال = لكن بعد أيش يا حظ ٍ ٍ .. مطيّحني .. مطيّحني
وغادرت المدينه بخافقي عبره تهز جبال = وعيني للسما من قبل لاتدمع وتفضحني
تعلّمت المواجه في زمن مافيه قيل وقال = وعلّمني أبوي أن الصراحه ناويه طحني
جهمت وصحت تكفى يا .. يبـــه .. محتاج طولة بال = ترى ماعادت ضلوعي تحمّل .. ويش ينطحني
توشحت المواجع والألم نبراس للأبطال = يجيها يوم تبغضني وتكرهني وتشلحني
تغيب وتبتعد وتعود .. لا خاتم ولا سلسال = كما وجه الزعل .. والصلح .. ياخي .. لا تصالحني
شكيتك للجفا والياس والتجريح والغربال = وجاوبني حنيني حين يومي بي ويطرحني
على الله كل عقده فالحشا تلقى لها حّلال = وألاقي شي يبهجني ويسعدني ويفرحني
ورد فيما ورد بأن الحيا يرّث مع الأجيال = لسانك ما أستحى من قول نقنق لي وبحبحني ..!
عشان أسامحك وأصالحك ياقارئ الفنجال = لزوم أنك تجي مابين خاسرني ورابحني
تسامح من هوى كيف وطناخه قّدها ميّال = وراك الزير سالم كيف ماتبغى تسامحني
كفايه أن العرب عالت علي .. ولاني .. العيّال = أبرحل قبل لا شيخ العرب يلفي ويلمحني
نخر دود الفلس أرض الذهب يا ضيعة الآمال = حبيبي والهوى ميّل علينا وأنت جارحني
تلذذ في عذابي طال عمر الطين والصلصال = وشكلّني حسب ما تشتهيه أنفاس ذابحني
وأنا عهد ٍ ٍ عليّه لا أشبعك من عم وألا خال = وأذا ضاقت بعينك طالبك صحصح وصحصحني
ضلوعي من حطب وأطهر من النسمه بياض الشال = يرفرف من حواليها وطيّرها وطيحّني
وش آسوّي ليا منّه بدت يا لايمي تختال = أهيم بحسنها وألا أبوس المبسم الصحني
لَعمري دامها راحت تدن أجراسها خلخال = أزاريري زبرجد تشتعل والنار تلفحني
تقول الله على اللي يلبس الغتره بدون عقال = وأرد : الله يسلّم لي عيونك طالبك .. بحني
زمن لاصارت الحرمه تجيك بعاطفة .. رجّال = تساوت في عيوني من يلومك لو .. تشرشحني
أناثي جيل .. جتنا تّدعي الإصلاح .. والإسبال = عفا الله عن زمان أهل اللحى .. يارب سامحني [/POEM]
تمت وصلى الله وسلم على سيدنا محمد وآله وصحبه أجمعين
وسلامتكم جميع