[فهد المالكي]

قصيده جديده اتمنى ان تنال اعجابكم




[POEM="font="Arial,4,black,bold,normal" bkcolor="transparent" bkimage="./images/backgrounds/17.gif" border="ridge,2,gray" type=2 line=0 align=center use=ex num="0,black""]ان كان باقي يهزك شوق لوصالي= تعال بدد ظلام الليل واشواقه
كل الشوارع ترقب عودة الغالي =الى اقبل الصيف تلبس للفرح باقه
من يوم مارحت ما تنشد عن احوالي =من وين تاخذ لروحك للجفا طاقه
مافيه حاجه بكل الكون تحلا لي =شوفك هو اللي يطمن نفس مشتاقه
لو طال هجرك ترى ما اهز فنجالي =باقي دلالك لهيل القرب تواقه
قصايدي هي مع الايام مرسالي =تلقى بها نبض مغرم متعب اوراقه
كم اشتكى لي القلم والدفتر البالي =واشيا كثيره وبيتا محكم اغلاقه
مده طويله واخاف تكون طوالي =ويكون قلبك نسى عهده وميثاقه
ابنتظر ربما الايام واشغالي =تقدر تخفف ضغوط الهم واحراقه
وان جاك فرصه وجيت ببالك الخالي =ارجع وبدد ظلام البعد باشراقه
وان طولت غيبتك خذ رقم جوالي =من خدمة الاشتراك ودق ببطاقه
بدايته صفر خمسه صفر والتالي =لها مع أحرف اسمك ود وعلاقه[/POEM]