اجي يمه وبواعده ولكن صعب ما اقدر
انا ماقدر على بعاده وطاري البعد وفراقه
اصد اتهرب وابعد واحاول منه اتعذر
اخاف تطيح دمعاتي وانا مقبل على عناقه
,,,,,
يدري اني احبه حيل لايمكن بعده اصبر
وانا متعاهد وقلبي صعبه اخون ميثاقه
اخافه يبتعد عني واخاف ابقى معه واخسر
"تعب قلبي من افعال الزمان وظلمه وارهاقه"
,,,,,
لعلمك كل ماتكبر غلاك بداخلي يكبر
واشوفك داخل اعماقي بوسط القلب واعماقه
انا لامن تذكرتك يضيق الصدر واتأثر
واقلب دفتر ايامي وابعثر كل اوراقه
,,,,,
قهر ياقلبي لاتشكي ولاتحزن ولا تسهر
سنين البعد تلعب بك ونار الشوق حراقه
كثير الوقت يجمعنا لكن الوداع اكثر
كثر مامت في قربه اموت بلحظه فراقه