[عبدالعزيز الرميحي]

[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]







تسكني اوراقك عطور ورياحين = في غرفتك عشق الليال لقمرها
تستعذبين القتل وانتي تشوفين = موت العيون اللي تمادى خطرها
جيتك بياض الورد في كف مسكين = ما كذبت فيك الحقيقه خبرها
لك وحشة الصبح وبقايا فساتين = وليلٍ غطا هاك المتون ونحرها
ولك دهشة اللي علمك كيف تاتين= تستحوذين عيون ملت سهرها
من شرفة احساس المشاعر تطلين = ما ادري عذاب الروح ما ادري قهرها
اول الا منك خذيتي تردين = والحين يكفي فكها من أسرها
الى متى وانتي بجرحي تسلين = والى متي تشكي عيوني كدرها
انتي هجرتي ما نويتي تردين = واللي خسرها وجنتينك خسرها

زرعتها كلمه على مبسم الطين = قلت اترك الصدفه ولا اطرد بثرها
كتبت فيك من القصايد ثمانين = القافيه خدّك وشعرك بحرها
يكفيني انك لاسرحتي تسجين = باحساس شاعر في حروفه عذرها
انا اختصر كل الحكي لو تحبين = لكن احبك موت كيف اختصرها ؟
(زهرة)[/POEM]