[رضا التومي]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا رب ياخالق جميع الكاينات=والكون كله تحت أمرك يامعين
يارب ترزقني مع العلم الثبات=يارب تمنحني مع الصبر اليقين
ماجت بنا اصناف الشرور الفاتنات=جديدها رقـّق قديم ٍ مستبين
والمنكر اللي كان ضمن المنكرات=أصبح ما بين الناس شي ٍ مايشين
يا قلب وإن مرّت عليك الذكريات=الطايشه / مع غفلتك ؛ تصبح حنين
والنفس فيها مشتهى للمغريات=والذنب ودّه يخطفك لو لحظتين
يا قلب لا منك ضعفت لبعض آت=تكفى لاتلمس بي الوحل والأمر دين
ياقلب وإن زليت في لحظة ممات=لا تقطع حْـبال الرجا ولا تستهين
غرّد على اغصان الحلال اليانعات=واهجر دروب ٍ تدخلك جحر اللعين
خلك بمحراب الضلوع ، و لا تبات=إلا على توبه وتوحيد ويقين
هي فرصة ٍ وحده لنا في هالحياة=يا فرحة اللي صار من أهل اليمين[/POEM]