[أحمد الحربي]

الحب مثل الشقا مايلزمه خبره
............... ولايلعب الا ذكىٍّ بالغلا داري
وأنا غبيٍّ يحب الكل بالفطرة
............... كلٍّ لبس من غلاي ووحدي العاري
أحبابي اللي جفاهم مامدى جبره
............... وأحبابي اللي خذوا من طيبتي ثاري
هم خذلوني وضاق القلب من صبره
............... من يوم غابوا وغابت أجمل أخباري
من قبلهم والليالي مظلمة عسره
............... واليوم ألملم خطاهم وأنثر اعذاري
ياليتهم لو دروا هالجرح ياكبره
............... ماكان مالوا علي مع ميلة أقداري
غابوا ولابه سوى حزني وهالعبرة
............... وشكيتهم للعزيز الواحد الباري
كن السوالف سحاب وصدهم بذره
............... ياما بنفسج غلاهم عطر أشعاري
مامت لكن زهقت وطالت الحسرة
............... وشلون بقلوبهم ماعاد لي طاري
الحب يلعن أبوه الحب ياكثره
............... وياقله إن جيت في حزني ومشواري

http://www.movn.net/voices.php?action=show&id=1169

فرج صباح