[مليح عياف الرويلي]

^

^

^

[POEM="font="Arial,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم ابرهه جاهم على جثة الفيل=مع الذنب دليلته سيد الانذال
جا غطرسه جا عنجهية مهابيل=جاهم يبي يستعبد الناس باذلال
ناوي يهدم البيت ويوري الويل= مايدري ان البيت محمي للاجيال
جته الطيور القاذفات الأبابيل=بسجيلها من فوقهم صب همال
بادوا وجت للناس بشرى التهاليل=بمولد رسول الحق واستبشر الفال
بنقطة تحول مولده بُدّل الجيل= وفي جيته تغيرت سود الاحوال
جاه الوحي بالغار واقراه تنزيل=آيات من ربه تردد بالاقوال
اختاره الرحمن تعديل للميل=وكفّى ووفّى بالأمانه والاحمال
من اجل الرساله ماشكى هدة الحيل=بالعكس قدوة بالتعامل والافعال
لبّس قلوب الناس من طيبه اكليل=وكان الأمين ومدرسة عز ورجال
وامتص في حلمه عظيم التهاويل=وعن الصحابه فك عسرات الاقفال
عدل وبشاشه والعفو فيه تأصيل=قال( أذهبوا وانتم طليقين بالحال)
الدين مده وانتثر كنه السيل=على قلوب الناس بردٍ وهمال
أكمل لنا الاسلام واوفى لنا الكيل=واختار ربه وارتضى خير منزال
واليوم دولة كفر زمرة مساطيل=تجرأوا على النبي زين الاعمال
تشويه واقع والهدف حقدهم حيل=على ديانتنا يذرّون الاهوال
كذب وتجني والحكايات تضليل=وسلاحهم رسمات ولسان دلاّل
ربي يعلّ اجسادهم بالثآليل=وشلت يمين اللي رسم وسط (قُرنال )
يامسلمين الوضع يحتاج تعديل =فعلٍ يغث القلب ويشيّب البال
بافعالنا وافكارنا ننكر الميل=وننصر رسول الله بالروح والمال
لازم نقاطع مانبي يوم تأجيل= ومنتوجهم يبقى بمصنعه تمثال
خله يردد آه مااطولك ياليل=ويذوق صفعة رد من عزم الابطال
وشعارنا يااهل النفوس المعاليل=إلا رسول الله يالكافر الضال
ووش فايدة فعول وفعول ومفاعيل=ان كان ماسُلّط على الكفر الانذال[/POEM]