[ماجد الركابي]

[POEM="font="Simplified Arabic,4,white,bold,normal" bkcolor="transparent" bkimage="./images/backgrounds/95.gif" border="inset,4,gray" type=1 line=1 align=center use=ex num="0,black""]السلام عليكم ورحمة الله وبركاته



اولا ً مبروك عليكم الشهر الفضيل لو انها جت متأخره شوي

ثانياً اتمنى ان تحوز القصيده على رضاكم


ماظنتي ياحسين صفر المعاميل = تجلي عمس نفسي وتبعد شقاها

ولاظنتي بسلا فبدع التماثيل = بعض الشعر للنفس يجلب غثاها

لابارك الله فيك ياتاسع ابريل = ليلك جلب للروح زايد عناها

اوجست من ليلك مرار وتهاويل = يومك خذيت اللي خفوقي بغاها

خذيت نصف الروح وعيوني اتخيل = وانا كما المجنون اركض وراها

آصيح بعلى الصوت ودموعي تسيل = يوم القبر ياحسين عني حداها

يارب ترحمها من الضيق والويل = اللي على لحاف الطهاره غطاها

ماداست دروب الخنا يابو منديل = في وقت بنت اللاش بيّن رداها

ولاغرّها لبس العرا والبناطيل = ولاحطت الحمره على احمر شفاها

ماهي من اللي يسابقنّ الرياجيل = اللي بوسط السوق تطرد هواها

عشقتها عشق ٍ عدلته عن الميل = على النقا ماجيت يمة حِـماها

ماغير نظم القاف وسط المراسيل = لاشفتها ولوّحيت حتى صداها

حب ٍ عفيف ٍ ماذِ كربه اقاويل = واليوم حزن القاف يرثي غلاها

وآعيني اللي بالعنا ليلاها ليل = لقبل سواد الليل جاها بلاها

قامت تكب الدمع الأزرق هماليل = لين المدامع بالبكا جف ماها

وآقلبي اللي ماتفيده تحاليل = مجارحه بالجوف تنزف دماها

ماكل ٍ جرح ٍ في علاجاته يزيل = بعض الجروح احيان يصعب دواها

نركض ورا الدنيا ولامن محاصيل = وش ينبغى بدنيا قليل ٍ عطاها

واليوم مابي بالهوى شيخة الجيل = حـتـّيش لو قالوا فريد ٍ حلاها

رضيت بالمقسوم جمله وتفصيل = اللي عطانيها هو اللي خذاها

دنياك مادامت للأدم وقابيل = دنيا على ماقيل داير رحاها

بصبر على كل الامور المعاظيل = وبدفن هموم القلب في محتواها

ومهما لفاني من عذاب وغرابيل = شمس الفرج لابد يشرق سناها

لو ماجتمعنا فالليال المقابيل = يمكن بدار الخلد يكتب لقاها

ويالله يامنشي ثقيل المخاييل = توقي جسد نوره وتدمح خطاها

وانا على القيفان ماعاد بي حيل = ماقول غير الله يطيّب ثراها

ملزوم اعيش العمر كله بهاذيل = هذا قدر نفسي وهذا قضاها [/POEM]