[طلال أبا جريد]

آل أبعاد كما تحبون أن يطلق علي من يجلس هنا بين كنفات هذا المنتدي, أسعد الله أرواحكم بكل أدب وشعر وفكر .
تحية أولى من ضيف طالت إقامته مراقباً مستمتعاً ومستفيداً من كل زاوية في هذا المكان الذي تفوح منه رائحة الأدب والفكر.
قد لا أكون ممن يُنتظر حرفه ولكنني ممن يمتلكون حرفاً خاصاً بهم.
وددت أن تطلعوا عليه وعلي تشكيلاته ورموزه.
هي لكم من القلب.

[POEM="font="Arial,5,black,bold,normal" bkcolor="transparent" bkimage="" border="inset,5,deeppink" type=2 line=0 align=center use=ex num="0,black""]أهز الشوق بغصون الزمن تساقطت ذكراك=لقيت ان اجمل اسنين بحياتي..كانت اسنينـك

تولاني الحنين وقلت اغنيلـك علـى ليـلاك=واخلي كل شي ٍ في خفوقي ينبـض بزينـك

حبيبي والله اني لو نثرت الورد فـي دنيـاك=لقول إني عطيتك شي مايسوى هدب عينـك

مرد القلب لوما مات من حبك يمـوت فـداك=هلا بالموته اللي من سبايب عطفـك ولينـك

تصدق كثرماني مشتهي طعم العسل بشفـاك=كثر ماتشتهي اقسى جروحي طعـم سكينـك

خذ اشواقي مثل براد سحري وافرك بيمنـاك=واصير المارد اللي ينحني لـك بيـن يدينـك

يابو حِسْنٍ ماهو باول حقيقه بانـت برؤيـاك=ولاهو باخر اللـي ذوب العشـق بمحبينـك

هذي عينك وخذ عينك مثل قيسه على حسناك=ولاهو من قصور بشي ثاني مـن محاسينـك

ترف ابها يصير الكون كله معمعه واعـراك=هذا كله .. على شان المسافه بيـن جفنينـك

تناظر.. ينفتح للنور من وجهك كذا شبـاك=تطرز واهجه باللمعه اللـي فـي خراصينـك

حسبت الضي من قو انطلاقه منك مايبغـاك!!=وصل لآخر حدود العتمه اللي بينـي وبينـك

طلال أبا جريد[/POEM]