اقتباس:
المشاركة الأصلية كتبت بواسطة قيد من ورد
مســــــــــاء الخير..
مُتصفح مُمتع.مع إن كلامكم أكثر من طلباتكم،
أهجدوها بالطلب واهربوا،وهي غصب بتنفذ .
هههههههههه< ضحكة شريرة
:
عاد أنــــــــا طلبي بسيط وخفييييف..
أطلبك تجيبين لي قصيدة كتبتيها بعد موقف صعب مر عليك.وياحبذا ذكر القصة.
يعني كذا مثل طريقة الشرهان.
:
وبس.
|
مساكِ نور وسرور يالغلا
وتكفين خليهم يسولفون زي مايبون بس يفكوني من الطلبات 
أفا والله أفا هذا وحنا صديقات تقولين كذا هيّن بس إلا مايجيكِ الدور
نص [ .. سارهـ .. ] أوْ [ .. أفا نمتي وتركتيني .. ]
أيامها مرّت عليْ ظروف صعبة ومشاكل في البيت وعرفت مين الصديق ومين العدو
أتذكر يومها كنت في غرفة أمي وكانت سارة توّها ماكملّت سنة عمرها شهور
كنت أناظرها وأحكي لها .. وأشكي همي .. ناظرت لي أمي وقالت وش فيكِ أنهبلتي
قلت لا والله يا يمّهْ مانهبلت ولا شيْ إلا عين العقل والله ماراح ألقى لا أنقى ولا أبيض من هالقلب
كلهم أصحاب وقت الرخا .. وأعداء وقت الشدّه .. .......................... النص يحكي
واللي يقراهْ يفهم هو واضح جداً جداً :
يادنيـا ..
ماكفتْك الـ آاااااه
يادنيـا ..
وش بعد تبغين ؟!!
لمين أحكي ..
ولمين أشكي مُعاناتي
وقلوب الناس تتشابهْ
ولاصادق في هالدنيا
سوى قلب(ن) تخيّرته
وقلت أحكي همومي لهْ
وذاك الحلم من عمري
وبيت الطين !!
صغيرة
وأدري ماتدري وش أحكي لهْ ؟!!
صغيرة
وقلبها صادق ولابهْ حقد أو غيرة
على الفطرة إلى هــ الحيـن
وقلت الحين يا سـاره
أبي أحكي
وأبي منّك تواسيني إذا أصلاً فهمتيني !!
وإلا ناظرتي كالعادة أبي أسكت !!
و ربي يعيــن !!
ذكرته في ليالي الأمس
بكلماته ..
وضحكاته ..
وهمساته ..
ذكرته
يوم يفقدني ويجيني ممتلي بالشوق
ويتمتم لي :
أنا أحبك
وأحبّك أكثر امن الكون
وإذا باقي بعد أكثر ..
بعد أكثر
وأستغرب !!
وأناظر له بطرف عيني
وأتمتم بيني وبيني :
" بعد تكذب .. بعد تكذب "
وأحسب إني قدرت أخفي
وأثاري عيوني تفضحني
ألييييين الحيـن !!
حبيبة قلبي وروحي
أنا حولك وفي حدودك !!
وعد مني ولا أخليك
أليـن نصير في السبعين
صحيح اثنين .. !!
ولكنّا تعاهدنا .. نبي نصدق !!
ولاتبكين !!
ومّرت بيننا أيام
ولاسيرة
ولاغيرة
ولاشوق(ن) يجيبهْ لي
وفجأة
مابقى حولي وفي حدودي سوى أشياء مجهولة
وراح الوعد وسنينه
وعمري ماوصل خمسين !!
غريبة ..
كيّف صدّقته وحبّيته ؟؟!!
أياليته بقى أفْـ عيني ولا ضاعت [ بهْ ] أحلامي
مع أول دمع هلّيته !!
عرفتي الحين يا سـاره
هموم القلب وأسراره ؟!!
أفــــا ... نمتي وتركتيني !!
أجل تدرين
خلاص أنسي
خلاص أنسي
ونامي الحيـــن !!