[مطلق الجبعاء]

السلام عليكم ورحمة الله وبركاته


همسـه أولـى / عسـا أن تناديهـا قلـوبكـم

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]راحت وحزني كل ما يبعد عن عيوني قـرب=ما كنت اشوف الهم ديم ويوم راحت صار ديم
موقف وفيه ان الشجاعه تسلك دروب الهرب=وفيه الحكيم يشق ثوبه ويل ما كنـه حكيـم
حتى العقل من كثرة الافكار والحيره ضـرب=وحتى المشاعر تقذفك بالسين محتاجه لـ جيم
طلبت والخد الشقي من وابل دموعي شـرب=والاسئله داخل ضلوعي تكوي القلب بحميـم
ياليتها خانت واقول اشوى وعادي يا عـرب=لكنهـا أكبـر مـن الطعنـات والله العظيـم
او ليت جاها مني التقصير او طبعـي خـرب=ان كان والله عذرها تزعـل وترحل مـا تقيـم
أو ليتها أو ليتها والهم بيدينه كرب= عروق قلب ٍ من موداعها غدا مثل اليتيم
عيني تناديها حزن ولا العواذل فـي طـرب=تعزف على طبل الفرح واقول يالله يا كريـم
متى رجوع اللي عن العالم ودنياه أغترب = وإلى متى من بعدها تايه على وجهه يهيم
ما همني منهو رحل ما همني منهو أقترب = وأنا أحاول أحرف اللي في هواها مستقيم
لكنَ أجمل وجه بالدنيا عن عيونـي غـرب=من بعدها كل الحريم اشوفهن ماهـن حريـم [/POEM]

عذرا ً لسـوادهـا .. لقد جاءت هكـذا