[عبدالله ثويني المانع]

..

لـكم الجـنَّة




ولي

( جَـنَّة )

ــــــــ

إنتي معي !..
حـب وحنان
كنّا اتفقنا مـن زمـان ..
تكـوني مـعي ..
دفئ وأمـان
ولا تخليني بمكان
فريســة أنياب وجـعي ..



ويــوم الصحيــح ..
في مشــهد أكثـر من قبيــح ..
محد معي إلا وجعــي ..
وعـجزي وفقدي لـ الوعـي
أنــا مسافر من بلد أدور لروحي بلد ..
ولا يقابلنــي أحـــد ... غيـر وجـعي ..


إنتي إعتــذرتــي لي ورحلــتي ..
بسرعة نسيــتي وانشغلتي
لكن أنا أبداً ما نسيـــت ..
إني قبل لمت وحكيت ..
قسيت ...
حتى إني رأيت
الحزن بكـاك وبكيت ..



ومامن حلول .. إلا أقول
يا قلبي عديهـا بــ خير ..
والقلب يرجف مثل طير
انسى الألم واقسى ملام ..
أصمـت ! يا قلــبي لا كلام ..
اصمت ! ترى حكيك حرام ..
يرد كنّـه بحدّة حروفه يغصْ
مــت آآنـــا أصصص ! .... مــت آآآنــا أصصص !

وحتـى أنتــم أصص .... لا أحـد يثــرثر يا حراام

لان الحـرام إنــك تعــيــش ولا تعيـش
بدون حب بدون طيش
مثل الكديش
على النظام
تاكل تنام



وأنا أحب ولا أتـوب
عن حب طاهرة الذنوب
ما أخشى من جروح الهوى
ما دام بيـديـها الدوا

هي علمتـني حب هي !
بكل طيش
هي علمتني كيف أطير
بدون ريش



الحب :هو أجمل مصـيبـة
ويا ويل قلب ٍ مر بالدنيا
ولا قابل حبيــبه

الحب : هو سر الحيـاة
مسكين قلب ٍ ما لقـاه

الحب : ذاك اللي جهلنـا
وخوفونا منـه أهلنـا ..



الحب : فعـل المستـحيل
ورضاك تاخذ لو قليل..



الحب: يفتـك بـالرجــال
خذني عليــه أقـرب مثـال

الحـب: كلمـة نرتجلهـا
مـن دون عقل ٍ يعتقلها

الحـب: نسفـك لـ العقــول
وأقوال ذاك وذا يقــول ..


الحـب : أدفــا مـن بـلادك
أمان ينعم به فؤادك ..



الحـب أحلا من أغـاني
الحـب أحلام ٍ أمــانــي

الحب : حِـب ولا تخـاف
إلا تمـوت من الجفـــاف

الحب : كلمـة من حبيـبك
تلغي مسافات وتجيبــــك

الحب : ما يحتـاج كنّـه
الحـب : جنّـة .
الحـب : جنّـة .






..