اقتباس:
|
المشاركة الأصلية كتبت بواسطة عبدالله الفلاح
امـــام شــبــاك ســيـنـما
الأهداء .. لشعراء سيأتون . . . .
: لو سمحت اربع كراسي
وخلني فـ الكرسي الثالث وحيد
وفـ الثلاث اترك بقايا من غياب
يشبه احساسي بـ نفسي
يمكن يرد البعيد
اللي سرق باكر من امسي !
بسرعه من فضلك
.. وخذ هذا الحساب ,
استدار ..
وناظرت بنتٍ غريبه في عيونه
كيف شافت في ظلام عيونه يموت النهار ؟ !
..و استدار
ولعّ - بصمته - زقاره
والزقاره ولعت - صمته - حوار :
= الشعر دمع السما.. واخر حديث الشمس .. لو قلناه ما نقدر نقوله !
- لكن احيانا نطوله .. !
= وهذي " لكن " .. دايم اقسى من وجع .. يعلن هطوله !
.. واستدار
كانت الساعه " ثمان "
وبعد وقت ويبتدي العرض
وسكت ! ..
.. ما تذكر غير : " ( انا ادري لعبتي
لين بللتي المراسي بـ ابتسامه
لما غبتي
ما تركتي للبحر غيري علامه
ما تكتي لي سوى
اصعب سؤال :
- احترق شوق بظلامه -
ليه غبتي ؟
ليه .. ليه ؟ ) "
......................
.....................
استضاق ..
واستدار ..
.. وضاقت بحزنه جهاته
مد " خــ طــ و ا تــ ــه "
.. وصل
.. قال للبنت الغريبة :
= لو سمحتي .. ادخلي في هالتذاكر ؟
- زين ليش ؟
= لأني اصلاً .. مالي باكر !!
عبدالله الفلاح
...................
|
صح الله لسانك
اخوي عبدالله الفلاح
خاطرة أكثر من رائعة تدل على ما تمتلك من موهبة شعرية فذا ونادرة
فنحن نطمح دائماً في هذا الصرح العالي إالى ما يلامس شعورنا وأحساسيسنا
وانت شاعر حركة مشاعرنا وأحساسيسنا نحوك فصقن لك ولخاطرتك بحرارة
ونحن ننتظر منك الأجمل والأروع
دمت بووووووود