ممكن هو يدعم التراث مادياً،
لكن ما تعتقد انه لو يبدأ بنفسه أفضل؟
صراحه انا ما قريت له كثير يمكن له قصايد تعكس هويته الإماراتيه لكن سمعت له كذا قصيدة في قناة سما دبي على ما أظن،
يعني لولا الصوت صوته والحلايا حلاياه كان قلت هالقصيدة لشاعر من شرق الرياض،
انتبه مو من شمال الرياض الناس الشبعانه، لأ من شرق الرياض يعني النظيم والنسيم 
يعني بعيدة عن هوية الشعر الإماراتي بالمرة، وهذا يحسب عليه ما يحسب له رغم ان القصيدة كانت جميلة جداً .
لو صار نافع إنسان عظيم ... مممممم.
خلني أقول لك بأني لما أقارنك باللي حولك حالياً أشوفك عظيم.
وسالفة المذكرات صعبة، أكتب مذكراتي أنا.
أنا بنفسي أكتب رواية، وكتبت مقاطع على أساس إني ممكن بيوم من الأيام استخدمها بكتابة رواية.
ممكن راح أخلي أحد شخصيات روايتي يتقمص نافع.
صدقني راح أغير أشياء كثير بحياتك، تخيل معي إني أحطك بدور ملياردير،
تتوقع تنجح الرواية؟ ههههه
طيب خلنا نقتنص من هالإجابة سؤال،
وش التغييرات اللي تتوقع تصير معك، لو ربحت مليار ريال سعودي،
لا تسألني شلون تربح مليار دفعة وحده ومافيه مسابقة اسمها شاعر المليار، خلنا نقول إن الملك عبدالله ربي يحفظه ويديمه عز وذخر لنا لما شاف فائض الميزانيه كبير [ماشاء الله] قرر انه يمنح مليار ريال منها لشخص واحد ورست القرعة عليك.
المهم انك تملك مليار ريال حالياً من بعد هالعمر،
وش التغييرات اللي راح يحدثها هالمبلغ عليك ؟
آسف على ما سبق وما يلحق من ردودي،
أعاني من نزلة برد وأعتقد إني تحت تأثير الحرارة !
الحديث معك ممتع دائماً