اخي العزيز الشاعر عبدالعزيز الفدغوش صح لسانك وسلمت يمينك ولاهنت يالغالي أنا قمت بكتابة هذه الأبيات مجارات لقصيدتك أقول فيها :-
عز الله إنه كتب درر بالورد منثوره == فيها لعزف المشاعـر واضح السـيره
مثل البدر يستـنيروا الناس من نوره == في ليلة النصف نوره نـّـوّر الديـره
تسلم يمينٍ لشاعر سطر إشعوره == في منتدى أبعــاد طالعنا تعابيــره
ياصاحبي الشعر يشكي نقص جمهوره == والشاعر اليوم يبحث عن جماهيره
والشعر حس ومشاعر هاجت إبحوره == والحب له نهج مفهومه دساتيره
من يبتلي بالهوى له نفس مكسوره == مسكين راعي الهوى كثرت مشاويره
مجروح وعلاج جرحه عند دكتوره == ماينفع إعلاج يصرف في فـــواتيــــره
إعلاج راعي الهوى ماهو بفاتوره == مافاد طب الدواء يعجز دكاتيـــــــــــره
لو يصرفوا له حدعشر ألف قاروره == الجرح في القلب ماتنفع قــــواريره
والروح ياناس عند الزين مآسوره == مايشفي الجرح إلا شـــوفت إمديــره
يعجز قصيدي وفكري ضايعن شوره == في شرح درس الهوى تعجز طوابيره
حبر القلم جف وألفوا لي بطبشوره == وأكملت ميتين درزن من طباشيره
قلت أختصر منطقي واصف طابوره == وأقول في الخاتمه بس يالله الخيره
والختم صلوا على من جاء بدستوره == محمد المصطفى الهادي بتذكيـره
وآله وصحبه صلاه ماهي بمحصوره == ذي حرروا الدين من مكه إلى الحيره
وســـلامتكم
اخوكم المخلص علي الاشول