[مجبل الديحاني]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل يبي يقضي معك وقـت ويـروح=محد علـى همـك يعيـر اهتمامـه
اكتم نفس جرحك عن القول والبوح=كثر الكـلام احيـان مثـل انعدامـه
ماينفعك غيرك اذا صـرت مجـروح=وصبرك على جرحك يزيـد التآمـه
لو تبنى همومك ورى صدرك صروح=اهـون ولا بكلمـه تطيـح الكرامـه
احيان تعبيرك عن الحـزن بالنـوح=يزيد فـى قلبـك شعـور انهزامـه
وش ينفعك صوتك اذا كنت مذبـوح=وش فايدة صبرك بـدون احترامـه
لاصرت ما انت اليا تعذرت مسمـوح=شكواك فى بعض المواقـف رخامـه
احفر جسدك وطش فى قاعك الروح=واقفل على نفسـك سمـو وفخامـه
لو كان بالشكوى على الناس مصلوح=ماسالت ادموع البشر مـن حمامـه
ولو كان تبرى بالسوالف لنا جـروح=ماشفتنا فـى خـد الاحـزان شامـه
استر على جرحك اذا ماانت مفضوح=علـى الاقـل ماتشعـره بانتقـامـه
من عارك اسماعه على قلب مفتوح=بكره هـو اول مـن يزيـد بكلامـه
سرك قلم وقلوب خلـق الله اللـوح=لا تركزه فى عيون غيـرك علامـه
اكبر مصيبـه تاخـذ ايـام وتـروح=الا انكسارك للزمـن وانـت هامـه
[/POEM]