[محمد السالم]

ليست على ظاهرها

؛







؛







؛







؛







[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


عَلاقتي بالصّبر ماهي بشرعية = عَلاقةٍ يكتنفها الشك والريبة

عَلاقتي به على جوزا معذرية = لا شاف طيبي ولاني شايفٍ طيبه

غديت أنا والصّبر نزّالة إقريّة = مامنهم الّي حفظ خيّه معاييبه

يسّدي لي أفكار مغلوطة وسادية = آعيشها بين ترغيبه وترهيبه

مثلي يعرفه ماغير أحلام وردية = على الطبيعة تبخّر جعله الخيبة

أعيش وياه في قصّة خُرافيه = حملٍ وديعٍ تربى في حشا ذيبَه

يقول بانه صديقٍ صافي النية = صداقةٍ ماتزبن من مشاعيبه

وأنا هُنا والصّبر خوة خلاوية = خوة طريقٍ جباري مابها طيبة

يفرض علي واقعه قسرٍ وجبرية = همه آطاطي شموخي وافقد الهيبة

آحاول اخلق معه روحٍ رياضية = واقّبل مساويه واسكت عن عذاريبه

واحوّل افصول وطري له ربيعية = واقبّل يديه وانفّذ مواجيبه

لكن يبقا جهولٍ ماردع غيه = حلوٍ السانه وكدرات مشاريبه

مليت من كثرة اقوالٍ هُلامية = اعرف فحاويه قبل أقرأ مكاتيبه

ضاعت حسانيه من كثرة مساويه = إذا فعل خير جنني يهذري به

إلى متى والنوايا به رماديه = ماعاد تصلح ظنوني من ملاعيبه

يشّمت زهابي وينطقها علانية = وأنا بمثل المثل اشّمت مزاهيبه

ياصّبر أمّا اجعل النية سماوية = ولا تيسر وكلٍ عارفٍ عيبه [/POEM]