وبعدين
الى متى
بعدين ؟؟
الين يزورني
برد الشتاء
واخذ عصى
واحدودب الكتفين
الين امر
من كل الزوايا
عاقلٍ نصفي
ادور نصفي
اللي ضاع
من بعدين
بلا بعدين
بلا قبلين
انا ايامي تناديني
سنيني
لا تضيعني
وانا ما اسمع
وتطعني سكاكينك
وتتركني بقايا وعود
تذبل في بساتينك
بلا بعدين /
بلا قبلين
تبين اجلس على شط الغروب
امد لك يدّي واناديلك
يا حوريه
واحس اني علاء الدين
واشوف المارد اللي كان
يطلع له
من جنون الخرافه صار
يطلع لي
يقول اطلب / واقول تجيبها
ويرد لي
بعدين ؟!
تبين ارهن على شانك
سنيني
تبين العمر يذبل
في شراييني
ياشيخه من تشوفينك
ترى ما انتي سوى
وحده من الأثنين
يا اما عاقله حد الجنون
او الأثنين
بلا بعدين
بلا قبلين