تقطن عائلة آل حــاسد في مراجل النفس الأمارة بالخبث ,بعيـــداً عن ممالك الرضى وجنان القناعــــة.......تتألف من :
عميد الأسرة: السيــــد حســـود , موظف في أحدى هيئات التفتيش ومراقبة أموال الناس
قرينتـــــه : السيــدة حســــوده , مدرسة دين , من عصور البرامكـــــة
أبنتهم: الليــــــــدى حســــــوده, طالبة في أولى سلالم الجامعــــة
أبنهم : حســــّـــاد (المراهق) , متعثر في تحصيله الثانـــوي
أبنهم : حســـــــودي ( الصغير) لم يتم بعد مراحل تعليمه الدنيــــا
==========
ذات صبـــــاح
~1~
في احدى المخططات العمرانية البكــــر:
السيــــد حســــود: اويلي على هالقطع....تهقي بكم المتر هنيـــــا
زميـــــله حقــــــود: ماينزل عن 1200 يابعدي......
السيـــــد حســــود: افأأأأ.....خلا خــــالي ...وبعيد عن الديرة بعد...وبهالسعر...؟؟!!
حقــــــــود: ترى لهـــا المستقبل وأنـــا اخوك .. حتى الكهرب والماي وهم
التلفون شابكينها شابكينــــهــــا
السيــــد حســـود: اترك عنك ....والله ماخذيتها لو ببلاش... وش ازين فيها
حقــــــود: يارجال عساك سالم... الخلايق طق اعصـــي علي هالمخطط كانك ماتدري
السيـــد حســـود: .. هع هع هع هع يازين الدلوخ زينــــاه....
حقـــــــود: اتصدق عاد... خوينا بالدوام ( عصـــامـــي) مشتري ثنتين......وبادي يعمر وحده والثانية بيحوطهــا وناسه حق عياله..
السيـــد حســــود: وشهو.؟.. عصــــامــــي المنتف ماغيره... وينه فيــــه.... راوني ياجعلك الماحي
زميــــله حقـــــود: هنيــــا .... بواجهه المخطط .. كلها كم سنــــه وتصير فيلته على الشارع العمومي.....
السيـــد حســــود: ( في نفســـه) : هااااا...ويلي على هالعصامي مو مبين عليه...ماغير ايجمع دراهمه ويحط الريال فوق الريال واخرتها يعمر قبلي. .. وشذا... حمام سباحــــه بعــــد؟؟؟... الا معصي ..
يتبع