الزعل لاصار يومين وثلاثه
.........لا يطول ثم تزعلني عليك
خل عنك الشك والغيره غثاثه
........ابتديتك حب عمري يفتديك
كنت بايام الشقا وقت الحراثه
........في سعاده كل يوم ٍ التقيك
من غصين الراك كم ذقنا كباثه
.......ساعة المجنى يديني في يديك
عشت في عصر التمدن والحداثه
........وافتخر بافعال جدانك وابيك
ماعرفت الغدر ودروب الخباثه
........جيت لك عاشق وقلبي يحتويك
قلب من حبك تمسك في تراثه
........انت لي حاجه ثمينه واقتنيك
الوفاء والطيب عندي بالوراثه
........والمشاعر كلها منك واليك
انت حبك بالفعل صعب اجتثاثه
........من فؤاد اللي عيونه تحتريك
بس وقت الغيض شوقي وانبعاثه
........يندفن بين الحنايا مايجيك
مابقى عندك عذر والا استغاثه
.........القلب من كثر المواجع يشتكيك
لا شعر تسمع ولا خلق ودماثه
.......طابت الارواح دور من يبيك!!
محمد_الثوعي