البارحه الساعه خمس واربع ثواني من جروح
حاولت احضر ما يسر من القصيد العاطفي
داهمني الوقت بسيوف تكبد العشاق روح
والروح راحت والمنجم قال نجمك منطفي
بموت من حبٍ هجرته ،قبل لا اعلن نزوح
تركت له قطعة فرح داخل مخابئ معطفي
صورة قديمه مبروزه إطارها يحوي طموح
..وخيبة عمر غلفتها تشرح بقايا موقفي
بروح لكن مو أنا مكتوب له دربك سموح
ببقى قصايد شامخه وحروفها ما تختفي
ببقى أغاني من تعب على مزامير السفوح
أو بالأخص الأغنيه لي يعرفوها وتعرفي
البارحه وأنا عن المخفي لموج البحر أبوح
نهمت ريح العاصفه وعاهدتها لا تعصفي
وكسرت غصن من الشجر يمامته تصبح تنوح
غصننٍ تقصده الحنش وش كلفك به توقفي
يمامتي لو تعرفي قلبي وطن غزو وفتوح
والحب أجهدني لأني للوطن اوفى وفي
أحمد المعمري فلك