خبري بها من عام كانت هنيا
تسكن بنفس الشارع اللي ورانا
تمرنا في كل. صبح وعشيا
تزور بيت اعمامها اللي .. حدانا
لا شفتها تقبل شعوري تهيا
ما انطق بكلمه بس . ودي.. ترانا
بعيونها دايم تسولف عليا
فيها تفاصيل الغلا اللي ... دعانا
اهيم كلي في غرام العبيا
والعشق سيفه مايحرم .. دمانا
اكتب لها شعر ٍ مهذب شجيا
من فكر شاعر . عاشق ٍ .. ماتوانا
حبيت لكن ماتركت الحميّا
ماودي الحسّاد .تعرف ... هوانا
حتى يديها ما تلامس يديّا
عفيفة ٍ مصيونة ٍ ..من .. وفانا
جنبت عن درب الخطا والرزيا
حاولت لكن شايبه .. .. ماعطانا
الجرح ينزف والمشاعر عصيّا
حنا مع الايام تاهت.. .. خطانا
واليوم مدري وين حلّت ثريا
معقول راحت .. للسما .. ياثرانا
القلب حيا واسود الحظ عيا
وحنا ابتلشنا في . غرام ٍ ....برانا
محمد الثوعي