[زايد الشليمي]

يسقط .. الغزل
يسقط .. العزل ..

عادةً ..
لا أتغزّل ... يأتي بالدوار .. ثم الدوران
أعمى.. يعمينا
متطفّل ..
لا شيء.. مجرّد كلام


:
:
وين كانت عيونك ..آخري واصلك
لو سكَنْتي عيوني.. أو سكنتي زُحـل
:
أسأل الجن عنّك .. أو عنك أسئلك
لو تقولين اعقل .. قلت وين العقَل
:
أبموت بغرامك .. ومايهم .. أخذلك
أنا ماعْشق عيونك لو وصولي سهل
:
كل مابْغى أعَرْفك .. كثرها أجهلك
الضلال الهداية .. ....والهداية أضَل
:
لو تشوفين وجهي كيف قبلك هلَك
الظلام اختراعي ....وذا سوادي أمَل
:
شوفي وجهي يدلّك كيف درْتْ الفلك
شيء يعجز خيالك .. في حياتي حصل
:
بس باقي أعيش .. أحْلِمِك ..أحْمِلك
بالصدر لك مدينة .. للحنايا أهل
:
شوفي الراعي اللي عشق بنت الملك
كان يحلم بسفح وانطلق للجبَل
:

: