[نوف الناصر]

[ ماكنت أنا سلمى ]

هذا المـسا أعـمى
عـكّازتـه ديجــور!

كنّ الصبـاح المـا *
بـلل ثيـابـه نــور .!

فـ الذاكـــرة أســما
غابت وغاب حْضور

كـان الغنــاء و مـا
ت بْحنجرة عصفور

في شِعري الأسـمى
كان ارتكاب ( بْحور )!

في دفتـري يــهمى
بين ارتبـاك سـطور

ليته سـحاب .. ومـا
كان الظـما والبـور!

مـن يـشربـه يظـما
مـن يجبره مكسور

هذا الشـعور ادمى
من الحنين .. شعـور

أقلامـنا بكمــا
إحساسنا مـبتـور

عـن حـبنا .. مـهما
أكتب شِعر .. مهدور

ما كنت انا ( سلمى )
في شِـعره المـغرور!

ماكـنت أنـا ظـلما
كنت لصباحه نـور

•
•

*الماء
9 فبراير













‏( الملهمة )

وأذكر اني.. كنت اطيّرلك من أشواقي حمام
‏يحمل اغصان السّلام..
‏وانت ماتدري بأني كِنت أزْهِر..
‏داخل شْعوري : أحبك ..
‏واكْتِمْ احساسي إذا بْصدري تِبَعْثَرْ..
كنت اغنّيلك فِكِلْ ليلة : ( دِلِلّو يالْوَلَدْ يا ابْني دِلِلّو )*…
لين تِتثاوب على صوتي .. وْتَنام!
‏وانت تَسْهِرني .. ‏وتكْسرني ..وتِقْسى !!
‏يعني ماتدري ..بأنّي مُرْهَفَة.. وكسري حرام
‏🕊🕊🕊🕊🕊

‏يعني ماتدري بأنيّ كِنت أبكي..
واحضن احزاني وافضفِض للوسادة..
‏ عن قساوة قلبك اللي مارحمني.
‏كنت أرفض..
‏إنّك تْقَيِّد حُضوري في قصيدة.. لاجل تَكتبْ ..
‏لاجل تَعبث بالمشاعر..
تحْصِد التّصفيق وانا ( الْمُلْهِمة )..اللّي يِنْكِسِرْ لي ألف خاطر..
‏ يمكن يقولون : ( شاعر )..!
‏ كنت وحدي أنزوي في هامش شْْعورك.. سراب..
كنت أمْطِرْ ..
‏لكن احساسك جفاف ..
‏كنت احاول أشعل احساسي شموع..
‏وكنت أحاول ‏وانت تطفيني ظلام!
‏🕊🕊🕊🕊🕊

‏ أذكر إني ..
‏يوم وارَبْت الحُضور..
‏جيتني تِتْناثَر بْصدري شُعور..
‏كنت "غَضَّة" بْقلب أبيض..
‏كنت طفلة تبتسم لك ..
وانت تعطيها اهتمامك تَحْسِبَهْ لعبة
‏تخاف انْها تضيع..
‏كنت في صدري رِبيع .. وكنت أتْوَسَّدْ غَمامك..
‏مثل ريح
‏كنتِ لي اشْيا جميلة
‏قبل لاتصبح خريف
‏وتَصْفَر اوراقي وْتِطيح ..
‏وتَكْسِر اغْصاني .. وْتِمَوِّتْ كِلْ عصافيري..
‏وكنت اناديلك.. أناديلك.. أنادي
‏لين بحّ الصوت
‏في فمّ الكلام..!




* تهويدة عراقية تُغنى للطفل كي ينام
مايو2023



https://x.com/too_simple_girl/status...416860245?s=46

https://x.com/too_simple_girl/status...492254721?s=46