نــحرتي صــدر قــصتنا القديمة بنصل غيباتك
وانــا لــلوصل نــوقي درهمت لجلك صحاريها
قــطعت دروبــك الوعره عشان اغنم ببسماتك
وهــذا انّــا تــغانمت الــفجيعه وصــرت راعيها
حــسافة والــحسافة صــوتت لي لملم اشتاتك
عــلامك تــتعب أقــدمك بــسكة وهــم تمشيها
حــبيبة عــمرك الــماضي تناسى حبها ..وفاتك
خــذاها مــن يــدين الحب غيرك وأنت شاريها
تــناسى واجــمع أحزانك تنسى واغنم أوقاتك
وخــلك كــالجبـل شــامخ ولا تــرضخ لاياديها
بــتبقى الــذاكرة تــنحت طواريها وسط ذاتك
ســنين طــوال تــمضي بك تظل الروح تطريها
واقول الصبر لو سمره شفاء في شوكه الفاتك
رعــيته بــس صــبري يرفض الضيقات ينهيها
رحــلتي جــعلها رحــله هــنيه بــكل لــحظاتك
وجــعل مــوطاك بــالنوير يــنبت أرض توطيها
وانــا في جوع شوقي والحزن ظليت أقتاتك
طــواري نــغصت عيشي طواري كيف بطريها
حــبيبك مــا بــغى يــنكر غلاك ويوقد اسكاتك
ديــار الــصمت تــعجبني الــمتاهه فــي لياليها
حــشى لــله مــا قــصدي بناري تشب ضيقاتك
أنــا الــضيقات مع حبر المحابر صمت أقضيها
فــقط بــطلب طــلب لو مرتك ذكراي دعواتك
جروحك في وسط صدري عسى ربي يشافيها
أحمد المعمري فلك