لعبة المزرعة السعيدة
____________
لاترسلي لي اي طلب يالبعيدة
واحنا بأرض الفيس بوك اصلاً اغراب
ماباقي الا مزرعتك السعيدة
العب بها والحزن مهريني العاب
في مزرعة جدي ال هناك ال بعيدة
لي دمعتين وبوت كورة وشرّاب
بنيت فيها بيت دنيا زهيدة
والبيت له جدران بس ماله أبواب
رعيت فيها اغنام حزني الشريدة
الين صرت انا ويا اغنامي اصحاب
بذرت فيها سنبلاتي الوحيدة
واسقيت زرع اليتم بمياة الأعصاب
واليوم انا يابنت كاتب جريدة
وشاعرٍ يملك جماهير واحباب
وموظفٍ يغتال الايام بيده
ومواطنٍ يحلم بموطن للأغراب
وان عادك ارسلتي طلب يالعنيدة
والله ما ادخل صفحتك واضغط : ( اعجاب ) !