اخذت طيفك للمسافة تعاليل
اللي يسافر بي لسكة عبورك
هذا السهر يحمل بكفة مراسيل
تمطر على قلبي وتروي زهورك
اسرف بجيّاتك حبيبي ترى حيل
تزهى ملامح بسمتي في حضورك
ادري عيونك غاديه لي مداهيل
اللي بها شوقك وباهي سرورك
تعال بدد بالحكي عتمة الليل
واكسر جناح البعد بشعاع نورك
غنّت حروفي في وجودك مواويل
وشوف الغلا اللي مصدره من شعورك
للّيل غصّة وبـحضورك تفاصيل
واكبر دليلي بسمتي في مرورك