[سعيد الموسى]

___

*

تمشي والريح تلاطفها - خصله تطيح
وورد يسيح !
كل ماتمشي فوق الأرض !
صار العشب يضمّ الأرض !
تتمايل مثل الأغصان - مافيها شيٍ ذبلان !
كل ماتخطو - صارت تنمو !
تزهى ترقى تورق تعلو !
كل مالفّت " شيّ أهتّز "
أشعر شي بصدري " فّز "
تتفاعل معها الأشياء !
تصبح " إيه "
وتنفي " لاء "
مرّت - لالا
الأرض تمّر !
هاللي منها يغار : العطر !
تتبسم - والأرض تلّف !
حتى نبضي عيّا يخف !
والله من هي :
تزفر - أفففف !
والخصله عالخد : تهِف !
قلت بنفسي :
هذا العزف !
هذي الـ أف بلا موال !
موزونه بكل الأحوال !
هذي البنت اللا عاديه !
لو تغلط !
[ وتضمّ إيديّه ] ؟