/
انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره
انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره
انا وانتي حكايتنا .. مثـل لعبـه ، وطفـل صغيـر
مـع انـه دوم يهملهـا رفـض يسمح بهـا لغيـره
انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعـب تصويـره
انا وانتي بـلاش انتـي أنـا لـو بفقـدك شي صيـر
ومجـرد طـاري الفرقـا علـي ياصعـب تأثيـره .. ؟!