هنا كانت مشاعرنا .. رهينة حسّ .. !
عبر صدفة .. وكانت أسعد أوقاته !
/
يمر الصمت مكسور الجناح بزحمة الأفلاك !
وتربك لحظته غربة .. مع الأيام مشتاقه !
تفنّد خطوة الذكرى وتزرع في الدروب أشواك !
وتحصد من دموع الأمنيات .. الصبح وإشراقه !
كأنه حس بك عابر تشبث بك بدون ادارك !
مثل طفلٍ صغيرٍ أرعبه خوفه و ما عاقه !
خطى للمستحيل وداخل عيونه قدر يقراك
وشتت شمل أحزانك بضحكة حيل توّاقه !
هنا زعزع حنينك والشتات اللي ملا ذكراك
زرع في داخلك صوت الحياة وصبح أشواقه !
وغنّى للحزن مرثيته واقفى هنا وهناك
ولوح للموادع واختفى في زحمة أوراقه !
تورّع عن مشاريه المشاعر واحتواه ارباك !
صبر رغم انتهاكة صورته في لحظة احراقه !
تمنى لو يكون احساس عابر بالأمل يلقاك !
ويمسح دمعة فيها عذاب الشوق وارهاقه !
حسافة كانت أحلامه برغم انه قدر يهواك
تجاوب نبض اشراقه وتحيي الشوق بأعماقه !
تغنّى وارتجف غصنه ومالت بالسنين اخطاك
وبان الشيب في صبرك وحانت لحظة اغراقه !
تعال أمسح تفاصيل التعب والهم والانهاك
تجاوز .. ربما حانت لحزنك لحظة فراقه !
.