للشمس وللما والمدى والحربي
خالد وقايد أنفرط بـــ شجوني
لــ ابعاد قصة تنسرد في قلبي
لها بداية وتنتهي بــ عيوني
أحبها وأقدم بها في دربي
وياليلها أنا بها مجنوني
ماعدت شرقي أفرقه من غربي
متعرطن مبطي بها بسنوني
وأخرى المآرب تستقر في اربي
وأقدم محارب ليتهم يدروني
وماطار العادي من البشر مع سربي
وماوقع الا مختلف بـــ غصوني
واللي مشالي بالوفى يبشربي
وبالمشهد المطلوب أنا يلقوني
أبعترف اني شحيح بقربي
أخاف أجي وبعدين ما يطروني
وأخاف أنا من حرفي لا يقوطربي
يم الذي تشبه الوانه لوني
واخاف أنا من غايبن يحضر بي
والمنسي يصبح طاري وينسوني
والشعر ماهو زاد ولاهو شربي
عايش واعيش أنا بعد من دوني