[متعب آل حشيان]

خير الامور المنتصف وانت عارف ..
شف هجرك اوجعني وشرع لي افراق ..

ماعاد باقي بيننا علم طارف ..
الا انها الذكرى اذا مرت اشتاق ..

بالامس من نهر اللقا كنت غارف ..
واليوم ضامي مالقى حضن واعناق ..

الحب بستانه بعد كان وارف ..
اصبح بقايا غصن محتوت الاوراق ..

اسوق ركب الشوق والهجر هارف ..
في ليل طال بحروة الشمس واشراق ..

واقلبي اللي من شقا الوقت ذارف ..
دمعه من اللي صار ماطاق ماطاق ..

كنه لقيض الوصل صارم وخارف ..
حتى وصل كثر التعب حد الارماق ..

متعب الحشيان (ساري الرياض)