اقتباس:
المشاركة الأصلية كتبت بواسطة سعيد الموسى
للسكوت ..
اللي جرح صدري !
وفاز .. !
جيت ... من فمّ الحجاز !
في ضلوعي .. بعض زمزم !
طفل من نور .. يترنّم !
والملاوي .. وريع ذاخر !
والدكاكين القديمه ..
اللي في درب المسافر !
صدري مِحرم ،
لو أصابيعي .. تكلّم !
جيت .. من فمّ الحجاز !
ماآعرف .. الإنحياز !
كل كلمة شعر .. أرضي !
وكل شطر يمر .. زرعي !
كل هذا الشعر .. بعضي !
إنولد ، من وسط ضلعي
_______
*
*
(في زاوية المقهى )
.
،
مو ضابطه
مره معي !
الطاوله مو طاوله ..
والكاس هذا " مكتئب "
الكرسي اللي آخر الجرح .. مكسور !
وهناك نادل .. يسقي الحزن للناس !
مو ضابطه ..
مره معي !
الطاوله فيها نقوش ، صارت على إيديني رتوش !
حرفين .. قلبين
وسهم !
والكاس هذا .. إبن كلب !
مليون مرّه .. ينسحب !
يمكن يحب ؟
ممكن يحب !
.
.
ناديت للنادل
.. حضر !
طلبت كاس
من المطر !
تمتم وهو خجلٍ
وقال :
من وين ياإبن الحلال ؟
الأرض مليانه .. وحل !
والا انت نايم في العسل ؟
.
.
والطاوله هالطاوله ..
متملعنه .. متطاوله !
__
إلى صدر سلمى " رسالة مائية بلا لون "
______
*
سلمى وإيديني
.. حجاره !
كل إصبع ،
طفل قدسي !
والعدو الصعب
.. فكره !
سلمى والعالم .. حجاره !
علميني من هو أرمي ؟
من هو أعفي ؟
من هو أحمي ؟
وأختبي مِن مَن .. وأغفي !
والعدو الصعب .. فكره !
كيف أهرب ؟
هالشعور المُر .. مُتعِب !
سلمى .. وأكتب !
والحزن يزداد.. واشطب!
*
*
شكراً للقراءة ، ربما أحتجت فعلاً أن تخرج من صدري لصدوركم
مع الحب كل الحب |
أستوّطن قلوبنا ياسعيد بصدق المشاعر الطاغي على كل حرف كُتبَ هنا .. استوقفني مشهد البيئه الحجازيه ولما ختمته بـِ " جيت من فم الحجاز ما أعرف الإنحياز " ياسلام من البدايه حتى النهايه لا أملك الا ان اقول " الله "
ممتنه وجداً لقرائته🌹..