..
.
حزنك يعرفك صافحه لا تنكّر
احفظ وداد العيش بينه وبينك
ياما مزج في علقم الياس سكر
وياما سأل في بهجة العيد وينك
وياما انتثر فوق الورق يوم عكر
جو الكلام وزمّل الدمع عينك
منّه عرفت الليل وش لون نكر
شكل النهار وغرّقك في حنينك
ومنّه عرفت النضج وشلون بكر
وشلون فادك في مواجه سنينك
يفتح لك الأبواب لا قيل سكر
باب الصبر قال الرجا من معينك
حزنك شفيفٍ فأحمد الله واشكر
مهما تمادى ماتجرّا يهينك
شاعر يضمك حرف يومٍ تذكر
عمرٍ تسرب بين اصابع يدينك
..
.