اقتباس:
المشاركة الأصلية كتبت بواسطة عبدالعزيز المخلّفي
.
تاخذه ذكرى المكان وليل عاقد حاجبينه
ويتماهى مع سكون الليل وجروحه عرايا
لفه الصمت الطويل وطافت بروحه سكينه
ايتفقد ضحكه المزروع فـ دروب الحكايا
ويتسائل من فقد كفه كفوف موادعينه
ويش جابك من حطام التجربه مالك بقايا
يشبهك هذا المكان اللي خلا من ساكنينه
وحشته صاخب هدوّه حيرتك بيض النوايا
ياغريب ضاعت احلامه على سور المدينة
الدروب اللي تعرفه ماتبادله التحايا
ياس ينخر منسأته وحزن يفرك له يدينه
وخوف يفقد في عتيم الذاكرة صدق المرايا
لو تلمس فـ العيون عيون تشعر في حنينه
مايحصل من يمد العذب لجروحٍ ضمايا
الفرح ستل جناحه والرضا وينك ووينه
والتماهي مع شحوب الأمكنة سيْد الرزايا
..
|
هلا يا هلا
افرح كثير اذا قريت شعر
لله درك يا شاعري