يشرفني ويسعدني الإلتحاق بكم بهذا الصرح الجميل 🌹
بأعضائه وادارته الثابته ع مر السنين وجعل أعماركم طويله
خذلتني لين ربي منك عافاني
من كل ما عل نفسي حيل وأجزعها
من عقب ما أنت القريب القاصي الداني
واوجهاتي اللي تودي لگ شوارعها
ضحكني الوقت والا الوقت بكاني
وش حاجتك للدموع وضحكتي معها
دام المشاعر غريبه وسط وجداني
لاتطرق ابواب قلبٍ كنت تدفعها
الامس ماهو بمثل اليوم بأزماني
مغير أشياء وآجد ما توقعها
يمر يومي علي أحيان وحداني
عادي ولا أهتم للساعه وأطالعها
وأحيان من كثر خلق الله وخلاني
بعض السوالف تدور بدون لا أسمعها
أدنات مايبهج الخاطر وسلاني
لو كان نفسي مايرضيها ويقنعها
بعض المواقف غريبة شكل وألواني
تروح من غير لا عقلك يراجعها ..