[سعيد الموسى]

في مقهى عربي يكون اللقاء .
.
.

على شفة طفل
ضحكه
على شفة طفل
ملهى !
وانا جالس
وفالمقهى
وكوب المُــــّره
.. بيدي
أحب اشرب
على قدي
أحب
اسرح على حدي
واشوف الطفل ذا
نِدّي ..!!
سالته : ياطفل
ممكن ؟
وش اللي يضحكك
بْحزن !
همس لي
ليش ياعمو ..؟
تبي تحزن ؟
تبي تحزن ؟ !!
ترى ضحكتك ذي
أحسن !!
ضحكت
وقلت علمني ؟
وش اللي فيك
يألمني ؟
أحس
بضحكتك إني
اشوف الحزن
متجنّي !!
خفض
راسه !
سقط
كاسه !!
نظر
ناسه !
تنهّد
بعض أنفاسه
نظر يمي !
وزادت نظرته
هميّ !!
وقلي :
ليش ياعمو ؟
أنا
ماردت تسألني
فقدت أهلي
بدبابه!
ودبابه
تيتمني !!
وانا هالحين
ياعمو!
صفى لي منهم
كمّي !
تصدق ؟
سافرت أمي !
تصدق ؟
ماحضنت أمي !!
تصدق بس ياعمو ؟
أنا محتاجها
دمــّــي
تصدق؟
شي ياعمو
أبيها بالحلم
يمّي
تصدق ؟
صرت ياعمو
أضمّ الصوت
في فمي
*
ـــــ
*
ملابسها
.....وشرشفها
وغرفتها
..... وضحكتها
تضيع
بوخز دبــــــــابه !!
*
ــــــ
*
سكّتْ
وماقدرت انطق !
وجاء
والدمع به
يغرق
رمى نفسه
وسط صدري
بكى
والدمع حاصرني
مسحت ايدي
على عينه
وليتي اسعد سنينه .
كرهت
من العرب كلي
بغيت أبرأ بعد
اصلي
وش احكي له؟
ابوفي له
ابتعّذر
وكيف اقدر؟
حضنته
واسمعه يبكي
ودمعه
عالعرب يشكي
*
....
....
*
نِدهت النادل
وجاني
وقال:
الحزن
مجّــــاني !!
.
.
.
وهو رايح
تباطاني
هَمَس
هالطفل مابكاني !!

.
.

تراني مثلكم
جاني !!
انا
من أصل نصراني !!