اقتباس:
المشاركة الأصلية كتبت بواسطة محمد البدراني
ابعاد .. كل الحديث لا يفي .. !!
ولكن .. مع التحية
يمر الليل بعيون الجريح اللي عجز ينساه
كفن اسود طويل يناكده ويجدد احزانه
سهر من اوله ل اخر نعاسه ماقدر يغفاه
بعيد هناك عن وجه الدروب يخيط خذلانه
يفتش ذكرياته والحنين يصارعه جواه
يدور عن امل صاحي يبشر فيه اجفانه
يموت الحرف في فمه قبل لاينطقه بشفاه
يعيش الصمت في صجة كلامه يعقد لسانه
كتب صوته على كراسته محتاج من يقراه
قراه وطاحت دموعه بكاه يهز جدرانه
ينادي للغياب اللي خذا منه ولا اعطاه
صدى جرحه يطش ال اه من نظرات حرمانه
فقد حلمه وضحكاته
فقد مستقبله وخطاه
فقد يومه على امسه
فقد نفسه والوانه
كذا حزنه
كذا همه
كذا وقته
كذا دنياه
تمد الياس في دربه ويتساقط من اغصانه
كذا دايم حظوظه ماتجيب اللي تعب يبغاه
ابد ما يوم في عمره عطت حاجه على شانه
سعيد بكم |
محمد
حقيقة كل تعليق لايكفي
سيل جارف من الشعر
عذب للحد الذي تبدو لي كل الكلمات بعد هذا الشعر قاسية وغير معبرة
دُم عذب متوهج ودُم هنا كي يضيء الشعر المكان والإنسان.