[عبداللطيف ظاهر]

ياسيـد الجـرح مارخَّـصـك إلا خطـاك
ضيَّـع حبيبك واحاسيـسه ومستقبله
ياكثـر ما اسامحـك واقول الله يهـداك
حملـت انا منـك ما لااطيـق استحمـله
ياكثـر ما قالـت جروحي لعينـك فـداك
أداري الجـرح عنـك وانـت تستـسهـله
تعبـت وانا لجل خاطـرك أدور رضـاك
واحـاول اتغـابى وآنا عـارف المشكـله
انا تعبـت وتعـب قلبي يعـاني جـفـاك
ولااشـوف فرحـه معك بأيامي المقبله
حبك لنفسك أسـر ذاتـك ومنك خـذاك
ومن يعرف الأجوبه مايجهـل الأسـأله
(ماعاد انا طيرك ولاعاد يغري سمـاك
تصبح على فراق وانا اقولك: من هـله)
تدري وش المشكلة اللي احسه معاك
أنا أعيشك عمـر .. وتشـوفني مرحـله

14-2-2014