[عادل الدوسري]

المشاركة الأصلية كتبت بواسطة عبدالله السعيد

أنا معك وهذا ما يعرف بالمرونة والقدر على التشكل والتجسد
للتماهي مع أسلوب الآخرين لكن بشرط عدم الإنسياق لبذيء الأخلاق وسيء الأطباع

عادل
قلت الكثير في شأني و تجربتي في الحياة مثل عمري
صغيرة جدا والثراء الحقيقي في حضرتك وحضورك ...

سؤال :
تقرب لحمد الدوسري " فتى الخرج "
أحد شعراء أبعاد و مورد من موارد الجمال والعذوبة

اولا شرف لي تفاعلك للمرة الثانية واثرائك هذا الطرح باضافات اراها قيمة واتت في وقتها

اما الاخ حمد الدوسري فانا اخا له في الاسلام ان شاء الله

و انا احب اسم حمد فهو في عائلتنا شايع كثير وعمي اسمه حمد

واخوي كنيته بو حمد

وانا قلت له

يا بو حمد بعض الروابع باسها باس ٍ شديد
تضيّع الرجال بين اخماسها و اسداسها

بادت بي الحيله و عـيّـت لا تهيد ولا تبيد
دعوى تمادت ما عرفت شبورها و قياسها

ايام أصامدها وأفلّ أم الحديده بالحديد
وايام أسالمها وأحب خشيمها مع راسها

الله من بعض الهجوس اللي تـدفــّــق بالوريد
تعذب الأجواد خصّ اللي رهيف إحساسها

خلقت في الدنيا وحيد وتالي ايامي وحيد
ومن المراره ذقت طعم الحنظله في كاسها

عيني على نجم الجدي والتاج في كتف العميد
والجوهره ما أعلم بـ فضتها ولا بـ ألماسها

بين البشر متبـلـّــد إحساسي ولو ماني بليد
إذني صمم لو هي تدقّ طبولها و أجراسها

صبرت غير الصبر بعض احيان طبـّـه ما يفيد
يلاحي جروح ٍ تـعــدّى راسها كرياسها

أبغى الجمايل والظروف تـلــيّــن الراس العنيد
كم من صليب ٍ طـوّعت باسه بـقـوّة باسها

والناس ما تقبل عذر لو جيت بالعذر الوكيد
واللي نصاك يفـنــّـد أعذارك وينقض ساسها