[أحمد التيمان]

السلام عليكم ورحمة الله وبركاته

أسعد الله أوقاتكم جميعاً.. أعضاء وزوار منتديات أبعاد.

إليكم "خانت وما خانت" كما هي.. آملا أن ترتقي لذائقتكم...

لكم مني كل الود...



ــــــــــ "خانت وما خانت" ــــــــــ

كل المصايب إذا هونتها هانت
ياقلب وش بك ثلاث أيام متضايق

أدري الحزن زينة الدنيا إذا شانت
وأدري الفرح فيك يا قلبي مهو لايق

بس المقادير لا حانت.. ترى حانت
خل الفرح من نوافذ حزنك يوايق

الغايبة.. ليتها غابت ولا بانت
استدعت الشوق للولهان والضايق

حبيبتي غابت وفي غيبتي عانت
حبيبتي دزها لي شوقها التايق

خانت.. ولكن بنفس الوقت ما خانت
أشياء لازم أعبٌٌُُرها وأنا فايق

ليه الليالي تدين وهي ما اندانت
لا اجتزت عايق طلع لي منها عايق

عامين بغيابها.. والحال ما زانت
عامين.. هم الحزن ماعدت له طايق

حبيبتي.. لو يهون الكون ما هانت
حتى لو إن الزمن من جعبتي بايق

أشياء.. كانت جميلة بس.. ما كانت
يا قلب.. خلك على مر الزمن رااااااااايق







وسلامتكم

"كونوا بخير"