[عقاب الربع]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غادة الماء .. والغصن .. والصبح .. والطير .. ورفيفه = باقيه في ذاكرة هالحلم غنوه ما مسحها
هي خرير الما اذا جوي تسلطن في هتيفه = سولفت له حفها النعناع .. والقمري نطحها
حاليه مثل السكاكر فالبيالات الرهيفه = غاليه مثل النصايح عند من حب ونصحها
غاويه .. في مبسم ٍ بارق .. تقل مبسم مضيفه = هاويه .. في مرسمٍ غارق .. بتشكيلة مرحها
ساهيه .. بالحب .. من خلف المحاديب النحيفه = لاهيه .. بالقلب .. لا مالت ولا ميـّـل بلحها
ثقلها لو يقبل القسمه على أية خفيفه = مابقى بالارض شاعر ماهجاها الا مدحها
حلوةٍ .. يقطر حياها بامن الاجواء المخيفه = حاولت في هالحيا مرات لكنه ذبحها
ونسةٍ تترس أماسيها الحكايات الطريفه = اشهد ان الحزن ابو تنهيد يبطي مالمحها
ناعمه لو فيه منها زيـّـها صارت وصيفه = الهوا لو لاطف وجـَـنـْـهـَـا يداعبها جرحها
ذيرتها من قبل وقت التباريح العنيفه = وجات كالأطفال فالعيدين من شدة فرحها
لو يشم العطر شارعها تباشر به رصيفه = كن فصل العشب من شيحه وقيصومه منحها
النهر تعطيه من ساتر عذوبتها غديفه = البحر لو مرته فزز لها الموج وملحها
كل صبحٍ .. لو تفقدها لقى شمسٍ مريفه = كل ليلٍ .. نامته بدري تحضنها وربحها
من يلوم البرد لو يزبن عليها في رجيفه = من يعذر القيظ لو جهـّـز نذالته ولفحها
خايف ان العمر يتساقط ويصفر بي خريفه = واتزحلق بـاخر الانفاس ماكن وشطحها
وخايف ان الشوق يدميها وتتبقى بي كسيفه = وتلتهي عن حلمها الوردي اذا الهاجس طرحها
لو جرحها القلب مره وامست بنبضه نزيفه ؟ = جعل قلبي مايشوف الخير لو مره جرحها [/poem]