[حمد الدوسري]

المشاركة الأصلية كتبت بواسطة عبدالله عليان

أييييييييه مايحتاج فعلا ههههههههه يا أ حمد
بس 1/ 7 حسب النظام اللي اعتمدوه وقتها بالكمبيوتر وهو نظام ممتاز كان يلزم في أدخال البيانات تاريخ اليوم والشهر والسنة طبعا جيل الطيبين ما كان عندهم شهادة ميلاد لأن مكان الولادة يامزرعة ياخيمة يادرب هههههههه وذيك الايام يوم أستحدثوا البطاقة اعتمدوا السنة وحسب ذاكرة الوالد حينها يتذكر صح او خطأ المهم وجدوا اكثر الناس معروف السنة واليوم والشهر مو معروف ف اعتمدوا 1/7 وهو منتصف السنة 6 شهور 6 شهور أما الناس اللي والادتهم في هسبتل كان ميلادهم معروف باليوم والشهر والسنة ف اعتمدوا شهادة الميلاد
المشكلة اللي يواجها معظم السعودين هي الابراج مع لخبطة التواريخ يمكن يقول انا برج الاسد بس الواقع يقول الثور ههههههه وهلما جر

الله عليك
طولت عليك بس كان فيني هذرة وحبيت اسولف انتعشت بعد سوالف 4 حريم
دمت بخير وجمعة مباركة .

ههههههههههههههاي
انا مولود في مزرعة وأبوي مسافر
لمصر انت خابر اول كان عندنا ثابت يشتغل
يومين ويخرب شهرين وزارة البرق فقعة كبد
الدايه زوجة عامل مصري عندنا حلوه الدايه هه
متأثر بباب الحارة
التاريخ بعد كان موحد عشان شرهة الملك
العادة السنوية كان ابوي يستلمها
كل واحد 1100 واخواني 21
كان تسدد رواتب العمال وديزل البركة سنه
الحين ماتسدد راتب عامل في السنه
انسى عنها احيانا لانها ماعاد تعشيك
في مطعم
انت شبكت الثور يالحريم
لاتتزوج لاتطيح في بقرة كل يوم
شاقه مخباك بقرونها