[قيصر الصخري]

آآه يا ما ادفى عيونك،، غطّني في مخملك
خلّني في ســـحرها، يا كثر ماني مبتلي

لمّـني في سجدة اهدابك على بُردة ملك
خلّني بمحرابها خاشع لها، وانت ادع لي

العيون الناعسة، والمُستهام بها هلك
يابسٍ قمح الهيام وفي رموشك منجلي

ما تشوف ان الهدب يشبه مدارات وفلك؟
واني اكثر كوكب احفظ من عيونك منزلي؟

كيف اشوف عيون غيرك كنّي اللي يجهلك؟!!
وانت شـطآن وبحر، واصداف لولو، مع حُلي

خلّني قربــك، أنا ما ودّي ألّا أســـــألك:
وش زكاة عيونك ان كنت الفقير المبتلي؟؟

بقلمي