بسم الله الرحمن الرحيم
السلام عليكم ورحمة الله وبركاته ،
اعزائي الكرام :
بدايةً أشكر الأخ القدير سعد سيف على قبولي هنا ، وكلي شرف أن أكون بينكم.
أحرجني بطيبه وتواضعه وسرعة ردّه.
وأتمنى أن أقدم مايليق بهذا الصرح إن شاء الله
:
رغم الزغاريد والمزمار : يا حَجّه
والناس مابين دحّيحه .. ودبّيكه
يبقى هدوئي يضاهي كل هالضجّه
ما جابني غير .. عانيّه وتبريكه
سجيت عن هالبشر والسجّه السجّه
يمّ الذي وقفتي .. تحت شبابيكه
اللي رموشه نبال وقوسها الحجّه
ولون الورود الشفاه ولذة الكيكه
لا شافها عاقلٍ اقفى وبه رجّه
ماله دوا لو ملايينه على شيكه
طيفه معي حاضرٍ من وين ماوجّه
ولا همني عاذلي لو زاد تشكيكه
مانساه والله مادام الصبح له فجّه
حتى لو ان الزمن دارت دواليكه
باقي بقلبي هواه .. ولا معي حجّه
والحب دايم كذا هذي مساليكه
ماهو مجرد .. رماد تطيِره عجّه
ثابت ثبوت الجبال وصعب تحريكه
غريق بحرك .. تعال بجيتك نجّه
واجمع بقايا خفوقه بعد تفكيكه
:
أخوكم : عامر الأشجعي